30 Agosto 2024
Mga Minamahal na Magulang,
Ang STUDENTDESK INTEGRATED MONTESSORI SCHOOL (SD IMS) ay magdiriwang ng Buwan ng Wika at Kasaysayan sa ika-6 ng Setyembre 2024 (Biyernes). Ang tema para sa taong ito ay “Filipino: Wikang Mapagpalaya.”
Ang layunin ng pagdiriwang ay:
Pagtibayin ang kamalayan sa kahalagahan ng Wikang Filipino bilang instrumento ng pagpapalaya.
Itaguyod ang pagmamalaki sa ating wika at kultura.
Kaugnay nito, naghanda ng iba't-ibang aktibidades ang mga guro na maaring salihan ng mga mag-aaral. May patimpalak sa pagsulat ng sanaysay, spelling bee, pagdidisenyo ng salakot, paggawa ng miniature na bantayog o simbolo ng iba't-ibang lugar sa ating bansa, at marami pang iba.
Iskedyul (Setyembre 06, 2024)
Antas | Arrival | Dismissal |
Preschool to Grade 3 | 11:00 AM | 1:30 PM |
Grades 4, 5, and 6 | 8:00 AM | 10:30 AM |
Kasuotan
Ang lahat ng mag-aaral ay inaasahang magsuot ng kasuotan na akma sa tema ng Buwan ng Wika sa araw ng pagdiriwang (maaring recycled o reused). Hindi kailangang gumastos ng malaki para dito.
Pagtatanghal
May inihandang pagtatanghal ang bawat antas sa araw ng pagdiriwang tulad ng pagsayaw, pag-awit, at sabayang pagbigkas.
Salu-salo
Magkakaroon din ng munting salu-salo para sa mga mag-aaral. Maaaring itanong sa guro ng inyong anak ang mga detalye tungkol sa nakatakdang pagkain.
Para sa anumang katanungan o paglilinaw, maaari kayong mag-iwan ng mensahe sa guro ng inyong anak gamit ang Google Chat.
Maraming salamat sa inyong aktibong pakikibahagi at suporta. Lubos na gumagalang, SARAH ALBERTO-TORDESILLAS Program Director EMERSON O. FABABAER Executive Head
Comments